Bashkeshorti(ja)

Fotografia e Partnerit: 

Emri Mbiemri: 

Qefsere Fejzollari

Lindja : 

03-04-1948

Fëmija i katërt dhe djali i dytë i Hamza Dokles ka lindur me 11. 03. 1946, në qytetin Durrës. Një vit më vonë familja e tij sërish u kthye në Borje. Mësimet fillore i mori në fshatin e tij në Borje. Shkollën 7 - vjeçare e të mesme i mbaroi në gjimnazin e Kukësit në konviktin “20 dëshmorët” të këtij qyteti. Në vitin 1959 këtu u vendos edhe familja e tij. Studimet e larta i mbaroi pranë Institutit bujqësor të Kamzës në degën ekonomi agrare. Paralelisht mbaroi dhe kursin e plotë të gazetarisë. Deri në vitin 1990 punoi si gazetar e kryeredaktor në gazetën “Puna” dhe në organet drejtuese të Këshillit të përgjithshëm të Bashkimeve Profesioale të Shqipërisë.

Në vitet 1990 – 1991 drejtoi gazetën “Zëri i Popullit”. Pas kësaj u bë një nga politikanët dhe drejtuesit më aktivë të Partisë Socialiste të Shqipërisë, si antar i këshillit drejtues, nënkryetar dhe sekretar i përgjithshëm i saj. Është deputet i Kuvendit te Shqipërisë në të gjitha legjislaturat që nga viti 1991. Ka kryer detyrën e kryetarit të delegacionit të përhershëm të Shqipërisë pranë Këshillit të Evropës, nënkryetar dhe kryetar i Kuvendit të Shqipërisë dhe Zëvendes Kryeminister. Veç këtyre është autor i qindra krijimeve publiçistike, i tre vëllimeve me tregime, disa dramave dhe i përmbledhjes: “Piedestale pa statuja”. Që nga viti 1970, familjarisht jeton në Tiranë.

Është martuar me Qesfere Fejzollarin nga fshati Bicaj me të cilën ka lindur 2 vajza dhe 1 djalë, Anikën, Manjolën dhe Bleronin.

Edukimi

1965-1970 - U diplomua në Universitetin Bujqësor, Dega Ekonomi Agrare
1968-1970 - Universiteti i Tiranës, Fakulteti i Gazetarisë

Specializime

1994 - Kurs specializimi për gjuhën dhe kulturën spanjolle – Universiteti Complutense, Madrid
1995 - Specializim pranë Këshillit të Evropës për Problemet Parlamentare, Strasburg
1997 - Kurs specializimi për problemet e tranzicionit, Madrid

Veprimtaria profesionale

1970-1983 - Gazetar në redaksinë e Gazetës “Puna”
1983-1989 - Kryeredaktor i Gazetës “Puna”
1989-1990 - Sekretar i Bashkimeve Profesionale ne Keshillin e Pergjithshem
1991 - Kryeredaktor i Gazetës “Zëri i Popullit”

Veprimtaria politike

1991- ne vazhdim - Anëtar i Kryesisë së PS-së
1992-1997 - Kryetar i Grupit Parlamentar të PS-së
1992-1996 - Nënkryetar i PS-së
1996-1997 - Sekretar Organizativ i PS-së
1999-2000 - Sekretar i Përgjithshëm i PS-së
1997-2001 - Nënkryetar i Kuvendit të Shqipërisë
2001-2002 - Kryetar i Kuvendit të Shqipërisë
1992-2001 - Përfaqësues i Kuvendit të Shqipërisë në Asamblenë Parlamentare të KE-së
1997-2001 - Kryetari i delegacionit të Shqipërisë në Asamblenë Parlamentare të KE-së
1999-2000 - Zëvendëskryetar i Grupit Socialist të Asamblesë Parlamentare të KE-së
2001-2002 - Kryetar i Delegacionit të Shqipërisë në Unionin Ndërparlamentar Botëror
2001-2004 - Kryetar i Delegacionit të Shqipërisë në Asamblenë Parlamentare të Frankofonisë
2002-2003 - Anëtar i Delegacionit të Shqipërisë në Asamblenë Parlamentare të KE-së
2004-2005 - Zëvendëskryeministër i Republikës së Shqipërisë
2005- e në vazhdim - Deputet i Kuvendit të Shqipërisë, Anëtar i Komisionit për Politikën e Jashtme

Krijmtaria

Publicistike – Mbi 700 artikuj, ese, intervista në shtypin shqiptar dhe intervista në shtypin italian, francez, amerikan, grek dhe spanjoll.

2001 - Piedestale pa statuja (Publicistike Politike)

Letërsi Artistike

Libra me tregime.

1971 - Kur erdhi pranvera
1973 - Shokët e babait tim
1976 - Kripë mbi dëborë

Drama

1974 - Era e lartësive
1975 - Të pamposhtur në shtrëngatë
1978 - Buka e pathyer
1980 - Mungojnë dy fishekë
1981 - Koha në gjunjë s’na ka parë
2003 - Mjegulla e dimrit të largët
2003 - Kthimi i të mundurve
2003 - Ura midis jetës dhe vdekjes
2004 - Anija fantazëm
2008 - Dënimi i dyte i Homerit